Naskah Khutbah Jumat Tentang Haji dalam Bahasa Jawa edisi 25 April 2025, Khidmat dan Tersedia PDF

Wonten hadis lintu dipun sebataken:

 الْحَجُّ الْمَبْرُورُ لَيْسَ لَهُ جَزَاءٌ إِلَّا الْجَنَّةُ 

 Artosipun: "Haji Mabrur iku ora ono piwalese kang pantes kejobo suwargo" (HR Bukhari).  

Lajeng kados pundi tetengere tiyang ingkang pikantuk gelar haji mabrur?. Dipun sebataken wonten hadits lintu: 

الحجُّ المبرورُ ليسَ لهُ جزاءٌ إلَّا الجنَّةُ قيلَ وما بِرُّهُ؟ قالَ إطعامُ الطَّعامِ وطيبُ الكلامِ 

Artosipun: "Haji mabrur iku ora ono piwalese kejobo mlebu suwargo. Dipun tangletake, punopo tondo kemabrurane?  Kanjeng Nabi jawab: aweh mangan lan baguse ucapan" (Tuhfatul Ahwadzi)  

Tegese hadits meniko paring pengertosan bilih tetengere tiyang ingkang haji mabrur niku remen sodaqoh arupi paring daharan marang tiyang fakir miskin lan mbiasaaken ngucap bagus.  

Ma’asyiral Muslimin rahimakumullah 

Katah sanget tiyang ingkang sak sampune haji kesupen bilih ibadah haji niku minongko dados pepiling kagem piyambake kedah sregep anggenipun amal ibadah, sodaqoh lan ngucap kanti bagus. Mboten malah bakhil, pamer lan ucapane kotor.   

Kanjeng Nabi sampun pesen:

 مَن حَجَّ لِلَّهِ فَلَمْ يَرْفُثْ، ولَمْ يَفْسُقْ، رَجَعَ كَيَومِ ولَدَتْهُ أُمُّهُ 

Artosipun: "Sopo wonge haji krono Allah, ora ngucap kotor, ora fasiq, mongko de’e balik saking haji koyok dene bayi ingkang dilahirake ibune" (HR. Bukhari) 

Pramilo, haji mabrur niku saget dipun tengeri saking tondo-tondo kasebat. Sinaoso mekaten, dawuh meniko saget dados pepiling kagem sinten kimawon ingkang sampun utawi dereng haji supados mboten sembrono nalikane ngucap lan kedah njogo tingkah lakune.  

Mugi-mugi kito sedoyo saget kalebet tiyang ingkang estu njungkung ibadah marang Gusti Allah, tunduk taat mboten bade nulayani, sehinggo saget kecatet minal mukminina haqqa. Amin. 

بَارَكَ اللهُ لِي وَلَكُمْ فِى الْقُرْاَنِ الْعَظِيْمِ وَنَفَعَنِيْ وَاِيَّاكُمْ بِمَا فِيْهِ مِنَ الْاَياَتِ وَ الذِّكْرِ الْحَكِيْمِ. اَقُوْلُ قَوْلِي هَذَا وَاَسْتَغْفِرُ اللهَ الْعَظِيْمَ لِيْ وَلِسَائِرِ الْمُسْلِمِيْنَ فَاسْتَغْفِرُوْهُ مِنْ كُلِّ ذَنْبٍ اِنَّهُ هُوَ الْغَفُوْرُ الرَّحِيْمُ