Isi Naskah Khutbah Jumat Bulan Dzulqadah dalam Bahasa Jawa, Menyentuh dan Penuh Makna, Ada LINK PDF

Kito kedah nyontoh salah setunggale sifat lan karakter Kanjeng Nabi Muhammad nggih puniko sifat welas, lemah lembut dumateng sinten kimawon.

Dipun riwayataken dining sahabat Abu Hurairah bilih setunggal wekdal Kanjeng Nabi Muhammad nembe lenggah sareng poro sohabatipun, lajeng wonten tiyang badui mlebet:

قَامَ أَعْرَابِيٌّ فَبَالَ فِي الْمَسْجِدِ فَتَنَاوَلَهُ النَّاسُ فَقَالَ لَهُمْ النَّبِيُّ صَلَّى اللَّهُ عَلَيْهِ وَسَلَّمَ دَعُوهُ وَهَرِيقُوا عَلَى بَوْلِهِ سَجْلًا مِنْ مَاءٍ أَوْ ذَنُوبًا مِنْ مَاءٍ فَإِنَّمَا بُعِثْتُمْ مُيَسِّرِينَ وَلَمْ تُبْعَثُوا مُعَسِّرِينَ

Artosipun: Wonten setunggale tiyang saking suku badui mlebet masjid, lajeng pipis wonten lebet masjid. Ningali kahanan meniko poro sohabat kraos kesel lan duko dumateng tiyang kasebat kanti ucapan ingkang keras. Ananging Kanjeng Nabi dawuh: ninggalo siro kabeh lan nyiramo siro kabeh marang uyuhe badui saking banyu timbo, sebab siro kabeh diperintah ngajar/ dakwah kanti gampang, ora nyusahno. (HR. Bukhari)

Wonten syarah hadis dipun jelasaken Kanjeng Nabi ngelarang poro sohabat, malah perintah ngejaraken tiyang badui supados ngerampungaken hajatipun niku tujuane lit ta’lim, nyinaui marang poro sohabat nalikane ngemong umat, amergi poro sohabat niku diperintah ngajari umat kanti gampang, mboten malah mbentak, lan ngangelno.

Kanjeng Nabi akhire manggihi tiyang badui kolowau kanti welas, mboten duko lan mboten maidu. Kanjeng Nabi Muhammad paring nasehat kanti lemah lembut: Saktemene masjid iki ora pantes digawe mbuang barang najis, masjid dibangun dadi panggonan dzikir marang Gusti Allah, shalat, lan maca Al Qur’an.

Ningali sikape Rasulullah ingkang lembut lan alus ingdalem pitutur lan nasehat, tiyang badui kolo wau langsung trisno lan manut marang dawuhe Kanjeng Nabi Muhammad, lan mboten mbantah babar pisan.

Hadirin Jamaah Jumat Ingkang Bahagio

Mundut saking kisah meniko jelas sanget bilih sifat lemah lembut ingkang dipun contohaken Kanjeng Nabi Muhammad niku dados sifat lan sikap ingkang kedah kita lampahi.

Sampun leres tumrape muslim pepahesan kaliyan sifat ingkang mulio meniko, sebab sifat lembut meniko kalebet sifat-sifat ingkang dicintai dening Allah.

Pramilo, Kanjeng Nabi Muhammad nate dawuh dumateng ‘Aisyah:

إِنَّ اللَّهَ رَفِيقٌ يُحِبُّ الرِّفْقَ فِي الأَمْرِ كُلِّهِ

Artosipun: Saktemene Gusti Allah inggih iku Dzat Moho Lembut ingkang demen marang kelembutan ingdalem sedoyo perkawis.

Mugi-mugi kito sedoyo termasuk tiyang ingkang nggadah sifat lan sikap lemah lembut dumateng tiyang lintu, sehinggo saget dakwah kanti sifat alus lan gampang dipun tompo masyarakat. Amin ya rabb alamin

أعُوْذُ بِاللهِ مِنَ الشَّيْطنِ الرَّجِيْمِ. بِسْمِ اللهِ الرَّحْمنِ الرَّحِيمِ ، ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ