Materi Khutbah Jumat Terbaru Bahasa Sunda Edisi 1 November 2024 Pilihan Terbaik dan Khidmat, Ada PDF

TRIBUNSUMSEL.COM - Berikut sajian Khutbah Jumat Bahasa Sunda terbaru edisi 1 November 2024, pilihan terbaik dan penuh khidmat. Tersedia juga dalam format PDF yang bisa Anda unduh melalui link tautan dibawah ini.

• Unduh PDF Khutbah Jumat >>> [Klik Disini:]

___________

"Manfaatkeun Nikmat Allah SWT"

KHUTBAH I

اَلْحَمْدُ للهِ الَّذِى نَوَّرَ قُلُوْبَ الْمُؤْمِنِيْنَ بِنُوْرِ الْهِدَايَةِ وَالْيَقِيْنِ. اَشْهَدُ اَنْ لاَّاِلَهَ اِلاَّ اللهُ الْمَلِكُ الْحَقُّ الْمُبِيْنُ, وَاًشْهَدُ اَنَّ مُحَمَّدًا عَبْدُهُ وَرَسُوْلُهُ صَادِقُ الْوَعْدِ اْلاَمِيْنُ. اَللّهُمَّ صَلِّى وَسَلِّمْ عَلَى شَمْسِ الْمُرْسَلِيْنَ وَقَمَرِالنَّبِيِّيْنَ وَسِدْرَتِ الْمُنْتَهَى الْعَارِفِيْنَ سَيِّدِنَا مُحَمَّدٍ وَعَلَى اَلِهِ وَصَحْبِهِ اَجْمَعِيْنَ. اَمَّابَعْدُ: فَيَااَيُّهَاالنَّاسُ, اِتَّقُوا االله َحَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْنَ. اَعُوْذُ بِااللهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمنِ الرَّحِيْمِ .وَابْتَغِ فِيْمَا اَتَكَ اللهُ الدَّارَ الأَخِرَةَ وَلاَ تَنْسَ نَصِيْبَكَ مِنَ الدُّنْيَا وَاَحْسِنْ كَمَا اَحْسَنَ اللهُ اِلَيْكَ وَلاَ تَبْغِ الْفَسَادَ فِى الأَرْضِ اِنَّ اللهَ لاَ يُحِبُّ الْمُفْسِدِيْنَ.

Hadirin ahli Jum’ah rahimakumullah!

Hayu urang sami-sami ningkatkeun kaimanan sarta kataqwaan ka Allah SWT. Iman jeung taqwa anu diwujudkeun dina amal nyata supados urang sadaya aya dina kabagjaan hirup dunya sareng akhérat. Urang sadaya hirup di alam dunya téh ngumbara, ngansaukur samentara moal lila, anu pasti isuk jaganing geto urang sadaya bakal mulang ka alam anu abadi nagri akhérat. Kumargi kitu, urang kudu bisa dina ngahontal kabagjaan hirup di dunya jeung akherat.

Sakumaha pidawuh Allah SWT dina al-Qur’an surat al-Qashash ayat 77:

وَابْتَغِ فِيْمَا اَتَاكَ اللهُ الدَّارَ الأَخِرَةَ وَلاَ تَنْسَ نَصِيْبَكَ مِنَ الدُّنْيَا وَاَحْسِنْ كَمَا اَحْسَنَ اللهُ اِلَيْكَ وَلاَ تَبْغِ الْفَسَادَ فِى الأَرْضِ اِنَّ اللهَ لاَ يُحِبُّ الْمُفْسِدِيْنَ.

Hartosna: “Jeung kudu diupayakeun ku aranjeun saneskara anu parantos dipaparinkeun ku Gusti Allah ka aranjeun pikeun akherat, sarta poma aranjeun ulah mopohokeun kana bagian kahirupan dunya. Jeung kudu migawe kahadean saperti Allah geus mere kahadean kaaranjeun. Jeung poma aranjeun ulah nimbulkeun karuksakan di ieu bumi, saestuna Allah teu mikaresep ka jalma-jalma anu nimbulkeun karuksakan”. (QS. Al-Qashash: 77)

Masyiral Muslimin Rahimakumullah…

Nasihat Tentang Nikmat

Numutkeun ahli tafsir Qur’an Ahmad Musthofa al-Maraghi jeung Abuya Kiai Alwi Shihab, dina Surat al-Qoshas ayat 77 teh nguningakeun kana opat nasehat di antawisna nyaéta:

1. Harta jeung nikmat anu parantos dipasihkeun ku Allah SWT ka urang kedahna digunakan kanggo to’at sareng kanggo taqorub (ngadekeutkeun diri) ka Manténna. Hal ieu tiasa dilaksanakeun ngalangkungan sababaraha cara sangkan manusa bisa bagja kalayan meunang pahala di dunya jeung akhirat.  Sakumaha anu parantos diwawadian ku Kangjeng Rasul Shalallahu ‘Alaihi Wasallam:

اِغْتَنِمْ خَمْسً قَبْلَ خَمْسٍ: شَبَابَكَ قَبْلَ هَرَمِكَ وَ صِحَّتَكَ قَبْلَ سَقَمِكَ وَ غِنَاكَ قَبْلَ فَقْرِكَ وَ فَرَاغَكَ قَبْلَ شُغْلِكَ وَ حَيَاتَكَ قَبْلَ مَوْتِكَ

Hartosna: “Gunakeun ku anjeun lima perkara samemeh datang anu lima: Mangsa ngora anjeun samemeh mangsa  anjeun kolot, kasehatan anjeun samemeh  anjeun gering, kabeungharan anjeun samemeh anjeun miskin, kasempatan anjeun  samemeh anjeun sibuk sarta hirup anjeun samemeh maot”. (HR. Hakim)

2. Jalma teu meunang mopohokeun urusan dunya sepertos barang tuang, ngaleueut, pakéan, margi Allah masihan hakna kamanungsa, manusa ngabogaan hakna anu utama kadirina sorangan, nyakitu deui kulawargana ngabogaan hak keur maranehanana. Perkawis ieu dikiatan ku Ibnu Umar:

اِعْمَلْ لِدُنْياَكَ كَأَنَّكَ تَعِيْشُ اَبَدًا وَاعْمَلْ لِاَ خِرَ تِكَ كَاَنَّكَ تَمُوْتُ غَدًا

Hartosna: “Kudu usaha anjeun keur urusan dunya anjeun saperti anjeun bakal hirup salawasna sarta kudu usaha anjeun pikeun aherat saperti anjeun bakal maot isuk”.

Janten Allah SWT henteu maréntahkeun kaumat-Na kudu sakabehna total mung saukur kanggo ibadah tanpa merhatoskeun urusan dunya. Tapi dina urusan dunya jeung akherat urang kedah saimbang, ceuk kolotmah kudu sing tuhu jeung khusuk dina ibadah ka Allah SWT jeung sing aya kaboga hirupteh (aya tempoéunana) supaya ngéunah nyawa betah jasad.

Masyiral Muslimin Rahimakumullah…

3. Jalmi  kedah midamel kasaéan kasasama, sakumaha Allah parantos midamel kasaéan pikeun manusa kalawan masihan nikmat anu seueur pisan. Midamel kasaéan tiasa mangrupi masihan pitulung ka sasama kalawan harta sarta kemuliaan, raray anu marahmay, silaturrahmi. Sarta masihan penghargaan tanpa sakanyaho maranéhanana. Pidawuh Allah SWT:

اِنْ اَحْسَنْتُمْ اَحْسَنْتُمْ لِأَنْفُسِكُمْ وَاِنْ اَسَأْتُمْ فَلَهَا

Hartosna: “Upama mareneh nyieun kahadean, maraneh teh geus nyieun kahadean pikeun diri maranaeh jeung upama maraneh nyieun kajahatan, eta oge pikeun diri maraneh “. (QS. Al-Isra : 7)

4. Ulah rek nyieun karuksakan di muka bumi ieu sarta nyieun kagorengan  kasasama kusabab Allah henteu mikaresep ka jalma anu migawe karuksakan jeung nyieun kagorengan. Sakumaha anu kaunggel dina akhir surat:

اِنَّ اللهَ لاَ يُحِبُّ الْمُفْسِدِيْنَ

Hartosna: “Saenyana Allah henteu mikaresep kajalma anu nyieun karuksakan.”

Masyiral Muslimin Rahimakumullah…

Akhirna Khatib mihareup, hayu urang sadaya sami-sami ningkatkaen kualitas amal ibadah anu sampurna. Supados urang sadaya tiasa ngahontal kabagjaan hirup dunya rawuh akherat.

بَارَكَ اللهُ لِىْ وَلَكُمْ فِى الْقُرْانِ الْعَظِيْمِ, وَنَفَعَنِى مِنَ اْلايَاتِ وَالذِّكْرِ الْحَكِيْمِ اِنَّهُ هُوَالسَّمِيْعُ الْعَلِيْمُ

KHUTBAH II

اَلْحَمْـدُ للهِ رَبِّ الْعَـالَمِيْـنَ، وَبِـهِ نَسْتَعِيْـنَ عَلَى اُمُـوْرِ الدُّنْـيَا وَالدِّيـنِ، وَالصَّـلاَةُ وَالسَّـلاَمُ عَلَى اَشْرَفِ اْلاَنْـبِيَاءِ وَالْمُرْسَلِيْـنَ، وَعَلَى اَلِهِ وَصَحْـبِهِ اَجْمَعِيْـنَ، اَشْهَـدُ اَنْ لاَاِلَهَ اِلاَّاللهُ الْمَلِكُ الْحَقُّ الْمُبِيْـنَ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ الْاَمِيْـنِ، اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ. اَمَّابَعْـدُ: فَـيَااَيُّـهَا النَّـاسُ اتَّقُـوْا اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ. اَللّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلْاَحْياءِ مِنْـهُمْ وَالْاَمْـوَاتِ، اَللّـهُمَّ اجْـعَلْ اِجْـتِمَاعَنَا اِجْـتِمَاعًا مَرْحُـوْمًا وَتَفَرَّقَـنَا مِنْ بَعْـدِهِ تَفَرُّقًا مَعْصُـوْمًا،. رَبَّنَا اَنْزِلْنَا مُنْزَلًا مُّبَاَرَكً وَّاَنْتَ خَيْرُ الْمُنْزِلِيْن, رَبَّنَا اَفْرِغْ عَلَيْنَا صَبْرًا وَّثَبِّتْ اَقْدَاَمَنَا وَاْنصُرْنَا عَلَى اْلقَوْمِ اْلكَافِرِيْن. رَبَّـنَااَتِـنَافِى الدُّنْـيَا حَسَنَـةً وَفِى الْاَخِرَةِ حَسَنَـةً وَقِنَاعَـذَابَ الـنَّارِ. وَالْحَمْـدُ للهِ رَبِّ الْعَـالَمِيْـنَ.

***