Teks Khutbah Jumat Bahasa Sunda, Rasa Syukur Atas Nikmat Kemerdekaan, Singkat dan Tersedia PDF

TRIBUNSUMSEL.COM - Berikut sajian teks Khutbah Jumat Bahasa Sunda berjudul "Rasa Syukur Atas Nikmat Kemerdekaan" yang singkat dan penuh inspirasi dalam rangka menyambut Hari Kemerdekaan RI 17 Agustus 2024.

Naskah ini juga dilengkapi dalam format PDF yang bisa Anda unduh melalui link tautan berikut:

• Unduh PDF Naskah Khutbah Jumat Bahasa Sunda >> [Disini:]

----------------

KHUTBAH JUMAT BAHASA SUNDA

"Rasa Syukur Atas Nikmat Kemerdekaan"

Khutbah I

أَلْحَمْدُ ِللهِ الَّذِى لاَ شَرَفَ فِى الدُّنْيَا وَالآخِرَةِ إِلاَّ شَرَفَ طَاعَتِهِ فِيْمَا نَهَى وَأَمَرَ، اَشْهَدُ اَنْ لاَاِلـهَ اِلاَّاللهُ وَاَشْـهَدُ اَنَّ مُحَمَّدًا عَبْدُهُ وَرَسُوْلُهُ. اَللّهُمَّ صَلِّ عَلَى سَيِّدِنَا مُحَمَّدٍ وَّعَلَى اَلِهِ وَاَصْحَابِهِ اَجْمَعِيْنَ. اَمَّـابَعْدُ: فَيَـااَيُّـهَااْلحَاضِرُوْنَ, اِتَّقُوْاللهَ حَيْثُمَا كُنْتُمْ وَاِنَّ اْلجَنَّـةَ اُعِـدَّتْ لِلْمُتَّقِيْنَ. وَقَالَ اللّهُ تَعَالَى فِى الْقُرْأَنِ الْكَرِيْمِ، أَعُوْذُ بِااللهِ مِنَ الشَّيْطَانِ الرَّجِيْمِ: وَاِذْ تَأَذَّنَ رَبُّكُمْ لَئِنْ شَكَرْتُمْ لأَزِيْدَنَّكُمْ وَلَئِنْ كَفَرْتُمْ اِنَّ عَذَابِيْ لَشَدِيْدٌ.

Hadirin jamaah jum’ah rahimakumullah

Langkung tipayun mangga urang sasarengan sanggakéun puji miwah syukur ka dzat nu Maha Agung Allah SWT., anu parantos maparingan nikmat kamerdekaan ka urang sadaya khususna bangsa Indonesia. Sholawat miwah salam mugia salamina didugikeun ka jungjunan urang kangjeng Nabi Muhammad SAW, miwah kakulawargina, para sahabatna, tabiit-tabiin sareng sadaya anu tumut sareng tunduk ajaran manténna.

Hadirin rahimakumullah

Ayat al-Qur’an anu pakait sareng perkawis syukur seuéur pisan diuningakéun dina al-Qur’an, salah sawiosna nyaeta ayat anu di unggelkeun dina surat Luqman ayat 12, Allah SWT midawuh:

وَلَقَدْ أتَيْنَا لُقْمَانَ الْحِكْمَةَ أَنِ اشْكُرْ ِللهِ وَمَن يَّشْكُرْ فَإِنَّمَا يَشْكُرُ لِنَفْسِهِ وَمَنْ كَفَرَ فَإِنَّ اللهَ غَنِيٌّ حَمِيْدٌ.

Hartosna: “Jéung sayaktosna Kami géus mere hikmah ka Luqman nyaéta: “Kudu syukuran ka Allah, sareng saha baé jalma anu syukuran ka Allah, maka sayaktosna manéhna geus syukuran kadirina.”

وَاِذْ تَأَذَّنَ رَبُّكُمْ لَئِنْ شَكَرْتُمْ لاَ زِيْدَنَّكُمْ وَلَئِنْ كَفَرْتُمْ اِنَّ عَذَابِيْ لَشَدِيْدٌ

Hartosna: ”Jéung kudu inget dina waktos pangéran anjeun méré terang. Sayakstosna lamun anjeun syukuran, pasti kami bakal nambah nikmat ka anjeun, jeung lamun kupur kana nikmat tikami maka sayaktosna siksa kami leuwih nyeuri."

Hadirin rahimakumullah

Imam Al-Junaidi nyebutkeun: yén nu disebut syukur téh nyaéta “Teu ngamusyrikeun ka Allah dina sadaya kanikmatan ti manténna.

Nyakitu deui Imam Al-Qosimi nyebutkeun syukur teh nyaéta: “Hiji kalimat nu bisa ngahimpun sakabéh urusan nu digiring pikeun kabagjaan di dunya jeung akherat, jeung ngerahkeun sagala nikmat nu tos di anugrahkeun kahiji hamba-Na pikeun ibadah’.

Hadirin rahimakumullah

Dina tafsir Al-Qosimi disebutkeun yén syukur teh diadegkeun atawa diwangun dina lima dasar, nyaeta:

Tundukna hiji jalma ka dzat anu disyukurana, lamun jalma ngaku yen dirina syukur ka Allah tapi teu aya rasa tunduk ka dzat nu disyukuranna, maka syukurna bohong.

Mikacinta ka dzat nu disyukuranna, sagala parentah nu datangna ti Allah rek beurat, rek masyakat, sakabehna dijalankeun. Nyakitu deui sagala panyegahna sok sanajan pikabitaeun, ngeunah karasana, eta sakabehna kudu di jauhan sarta disinglarkeun.

Ngaku kana sagala kanikmatan anu dipasihkeun ku manténna, moal aya hiji kanikmatan nu dianugrahkeun ka hambana iwalti sadayana karunia manténna.

Muji kana sagala kanikmatan Allah, sagala nu dipasikeun ka urang sadaya nu diciptakeun moal aya nu batal hiji oge, sabab sadaya aya dina rencana Allah SWT.

Téu digunakeun éta kanikmatan dina perkara nu teu dipikaridlo ku Allah SWT, sabab lamun urang ngagunakeun kanikmatan lain dina jalan anu dipikaridho ku Allah SWT, berarti urang geus kufur kana kanikmatan, nu bakal jadi sabab meunangna bebendu ti Allah SWT sakumaha pidawuhna :

وَلَئِنْ كَفَرْتُمْ اِنَّ عَذَابِيْ لَشَدِيْدٌ

Hartosna : “Lamun aranjeun kupur sayaktosna siksa kami leuwih séeur”

Hadirin rahimakullah

Lima prinsip nu kasebat nembé diluhur, mangrupikeun dadasarna syukur tina sagala kanikmatan nu dipaparinkeun ka urang sadaya. Lamun di antara prinsip tadi teu aya, mangka pengakuan syukurna kudu dipertanyakeun. Satiap jalma nu nyaritakeun syukur pasti bakal ngait kana kanikmatan – kanikmatan, nu kanikmatan éta moal bisa kaitung. Sakumaha pidawuh Allah SWT :

وَاِنْ تَعُدُّوْا نِعْمَةَ اللهِ لاَ تُحْصُوْهَا

Hartosna : “Lamun anjeun ngitung-ngitung kana nikmat ti Allah tangtu anjeun moal bisa ngitung-ngitungna.”

Hadirin rahimakumullah

Pamungkas, mudah-mudahan Allah SWT masihan kakiatan ka urang sadaya tiasa syukuran kana nikmat kamerdekaan ieu utamina deui nikmat iman, islam ogé ihsan. Amin.

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنْ آيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

Khutbah II

اَلْحَمْـدُ للهِ رَبِّ الْعَـالَمِيْـنَ، وَبِـهِ نَسْتَعِيْـنَ عَلَى اُمُـوْرِ الدُّنْـيَا وَالدِّيـنِ، وَالصَّـلاَةُ وَالسَّـلاَمُ عَلَى اَشْرَفِ الْاَنْـبِيَاءِ وَالْمُرْسَلِيْـنَ، وَعَلَى اَلِهِ وَصَحْـبِهِ اَجْمَعِيْـنَ، اَشْهَـدُ اَنْ لاَاِلهَ اِلاَّاللهُ الْمَلِكُ الْحَقُّ الْمُبِيْـنَ، وَاَشْهَـدُ اَنَّ مُحَمَّـدًا عَبْـدُهُ وَرَسُـوْلُهُ صَادِقُ الْوَعْـدِ الْاَمِيْـنُ، اَللّـهُمَّ صَلِّ وَسَلِّمْ عَلَى سَيِّـدِنَا مُحَمَّـدٍ وَعَلَى اَلِهِ وَاَصْـحَابِـهِ اَجْمَعِيْـنَ. اَمَّابَعْـدُ، فَـيَااَيُّـهَا النَّـاسُ, اتَّقُـوْا اللهَ حَقَّ تُقَـاتِـهِ وَلاَتَمُـوْتُـنَّ اِلاَّ وَاَنْـتُمْ مُسْـلِمُـوْنَ، اَللّـهُمَّ اغْـفِرْ لِلْمُسْلِمِيْـنَ وَالْمُسْـلِمَاتِ وَالْمُؤْمِنِيْـنَ وَالْمُؤْمِنَـاتِ اَلْاَحْياءِ مِنْـهُمْ وَالْاَمْـوَاتِ، اَللّـهُمَّ اجْـعَلْ اِجْـتِمَاعَنَا اِجْـتِمَاعًا مَرْحُـوْمًا وَتَفَرَّقَـنَا مِنْ بَعْـدِهِ تَفَرَّقًا مَعْصُـوْمًا، رَبَّـنَا اَتِـنَا فِى الدُّنْـيَا حَسَنَـةً وَفِى الْاَخِرَةِ حَسَنَـةً وَقِنَاعَـذَابَ الـنَّارِ. وَالْحَمْـدُ للهِ رَبِّ الْعَـالَمِيْـنَ.

(*)