Isi Naskah Khutbah Jumat Jelang Puasa Ramadhan 2024 Bahasa Jawa, Khidmat dan Menyentuh, Tersedia PDF

“He para wong Mukmin kabeh, sira padha wedia ing Allah kalawan sajatining wedi, Ian sira aja padha mati, kajaba mati Islam.” (QS. Ali Imran: 102)

Jamaah shalat Jumat ingkang dipun rahmati Allah,

Dumugi dinten menika kita sampun ngelampahi shiyam 25 dinten langkung, artosipun kita saya cedak kaliyan pungkasane ibadah shiyam ramadhan.

Mangga kita sami tansah ningkatake ibadah supados saget manggihi kamulyan lan anugerah agung saking ngarsane Allah subhanahu wata’ala.

Sak mbotene enten 5 anugrah kaggone tiyang kang tenanan nindakke shiyam sahingga shiyamipun menika ditampi dening Allah subhanahu wata’ala. Mangga para jamaah kita papak sareng-sareng.

Anugrah Kaping Sepindah: Sifat Takwa

Anugrah Ramadhan ingkang kaping sepindah inggih punika sifat takwa. Salah satunggaling cara kangge ngindhaaken takwa inggih menika nglampahi shiyam ramadhan. Jumbuh kaliyan dhawuhipun Allah subhanahu wata’ala wonten surat al-Baqarah ayat 183.

Allah subhanahu wata’ala paring pangandikan,

يٰٓاَيُّهَا الَّذِيْنَ اٰمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُوْنَۙ

“He wong-wong kang padha Iman, diwajibake tumrap sira pasa (ramadhan) kayadene kang wus diwajibake marang wong-wong sadurungira, supaya sira kalebu dadi wong kang Takwa.”

Ayat menika cetho lan jelas nerangaken bilih sinten kang nglaksanakaken shiyam kanthi sae kayadena kang wus dipun tuladhani Rasulullah shallallahu ‘alaihi wasallam inggih punika mboten naming nilar dahar lan ngunjuk, ananging sedaya perkawis kang saget mbatalaken hukum wajibe shiyam lan ganjarane.

Utawi kawestanan shiyam jiwa lan raga, shiyam lahiriyah lan bathiniyah, yekti tiyang menika dados tiyang kang takwa dumateng Allah subhanahu wata’ala tiyang menawi sampun takwa mboten wonten balesan kejawi dilebetake jannah Allah subhanahu wata’ala.

Jamaah shalat Jumat ingkang dipun rahmati Allah,

Anugrah Kaping Kalih: Pangapura Dosa

Anugrah Ramadhan ingkang kaping kalih inggih punika pangapura dosa. Salah setunggale kekhususan ibadah shiyam nggih punika Allah badhe paring pangapura dhumateng tiyang ingkang nindakake ibadah menika kanthi ikhlas lillahi ta’ala. Allah njanjekaken badhe ngumbah sedaya dosa kula lan panjenengan kanthi maghfirahipun.