Materi Khutbah Jumat Terbaru Bahasa Sunda Edisi 18 Oktober 2024, Singkat dan Penuh Makna, Ada PDF

Maasyiral muslimin rahimakumulloh! 

Kadua, nyiapkeun kahirupan alam barzakh sareng alam akherat tiasa dilakukeun ku cara midamel amal anu terus ngalir pahalana. 

Di antara anu tiasa ku urang dipersiapkeun nyaeta nyeueurkeun amal jariyah, ilmu anu bermanfaat, sareng ngadidik murangkalih urang supaya jadi murangkalih anu soleh sareng anu jaga tiasa ngadoakeun ka urang, sakumaha pidawuh Kangjeng Rosul: 

  إِذَا مَاتَ الإِنْسَانُ اِنْقَطَعَ عَنْهُ عَمَلُهُ إِلَّا مِنْ ثَلَاثَةٍ: صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُوْ لَه   

Hartosna, “Lamun hiji jalma maot, maka pegat amalna kecuali tilu perkara, sedekah jariyah, elmu anu manfaat, sareng anak anu soleh anu salawasna ngadoakeun ka orang tuana,” (HR. Muslim).    

Katilu, ulah pegat ngadoa supaya dipasihan maot anu husnul khotimah. Patarosannana, naon ari maot husnul khotimah teh? Di antara tanda utama maot husnul khotimah teh nyate nalika akhir hayatna ngucapkeun kalimah Lailaha illalloh.   

Dina salah sawios hadits soheh anu diriwayatkeun ku Imam Abu Dawud, Rosululloh parantos ngadawuh:   

 مَنْ كَانَ آخِرُ كَلاَمِهِ لاَ إِلَهَ إِلاَّ اللهُ دَخَلَ الْجَنَّةَ    

Hartosna, “Saha wae anu akhir ucapannana kalimah ‘Lailaha’illalloh’, maka anjeuna bakal asup ka surga.”    Indikator sanesna jalmi anu husnul khotimah teh nyaeta di akhir hayatna anjeuna tiasa midamel padamelan anu hade. Hal ieu parantos diuningakeun ku Kangjeng Rosul ngalangkungan haditsna: 

 إِذَا أَرَادَ اللهُ بِعَبْدٍ خَيْرًا اسْتَعْمَلَهُ ‏.‏ فَقِيلَ كَيْفَ يَسْتَعْمِلُهُ يَا رَسُولَ اللهِ قَالَ يُوَفِّقُهُ لِعَمَلٍ صَالِحٍ قَبْلَ الْمَوْتِ‏   

Hartosna, “Nalika Alloh ngairodah kahadean ka hiji jalma, maka Anjeuna bakal mere kamampuan keur midamel eta kahadean. Para sahabat tumaros: ‘Kumaha mere kamampuan keur midamel kahadean teh?’ Mantenna ngawaler: ‘Alloh bakal maparin taufiq ka anjeuna keur midamel amal soleh samemeh maot,’” (HR. Ahmad sareng at-Tirmidzi). 

Maasyiral muslimin rahimakumulloh! 

Terakhir, mugia urang sadayana kalebet hamba Alloh anu takwa, hamba anu kenging taufiq sareng hidayah kanggo midamel amal sae, kalayan jaga urang maot dina kaayaan husnul khotimah, oge kenging kahirupan akherat anu sae, pinuh ku rohmat sareng magfiroh Alloh swt. 

  بَارَكَ اللهُ لِي وَلَكُمْ فيِ القُرْآنِ العَظِيْمِ، وَنَفَعَنيِ وَإِيَّاكُمْ بِمَا فِيْهِ مِنَ اْلآياَتِ وَالذِّكْرِ الحَكِيْمِ وَتَقَبَّلْ مِنيِّ وَمِنْكُمْ تِلاَوَتَهُ َإِنَّهُ هُوَ السَّمِيْعُ العَلِيْمُ. أَقُوْلُ قَوْليِ هذَا أَسْتَغْفِرُ اللهَ ليِ وَلَكُمْ وَلِسَائِرِ الْمُسْلِمِيْنَ وَالمُسْلِمَاتِ وَالمُؤْمِنِيْنَ وَالمُؤْمِنَاتِ فَاسْتَغْفِرُوْهُ إِنَّهُ هُوَ الغَفُوْرُ الرَّحِيْمُ   

Khutbah II