Teks Khutbah Jumat Singkat 14 Juli 2023 dalam Bahasa Sunda: Muhasabah Sangkan Berkah

TRIBUNSUMSEL.COM - Khutbah jumat berisi pesan-pesan dan ajakan berbuat kebaikan yang dapat disampaikan dalam berbagai bahasa, diantaranya melalui bahasa Sunda.

Berikut sajian materi Khutbah Jumat dalam Bahasa Sunda, paling menyentuh hati dan inspiratif. Khutbah menyambut Tahun Baru Islam 1445 Hijriyah.

Judul Khutbah Jumat Bahasa Sunda: "Hijrah Jeung, Muhasabah Sangkan Berkah"

اَلْحَمْدُ للهِ الَّذِىْ فَضَّلَ بَيْنَ الشُّهُوْرِ وَاْلاَيَامِ. فَجَعَلَ شَهْرَعَاشُوْرَاءِ مِنْ اَفْضَلِهَافَفَضْلُهُ قَدْ سَاعَ بَيْنَ اْلاَنَامِ وَفَضَّلَ يَوْمَ عَشُوْرَاءِ عَلَى جَمِيْعِ اْلاَيَامِهِ وَجَعَلَهُ لِعِقْدِ اَيَّامِ الشَّهْرِ وَاسِطَةِ النِّظَامِ. اَشْهَدُ اَنْﻵاِلهَ اِلاَّاللهُ وَحْدَهُ لاَشَرِيْكَ لَهُ اْلمُنْفَرِدُ بِالْكَمَالِ وَاْلبَقَاءِ وَالدَّوَامِ, وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ اَشْرَفُ مُرْسَلٍ وَاَفْضَلُ اِمَامٍ. اَللّهُمَّ فَصَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ مَحَمَّدٍ وَعَلَى اَلِهِ وَاَصْحَابِهِ اْلاَ ئِمَّةِ اْلاَعْلاَمِ مَصَابِيْحِ الظَّلاَمِ. اَمَابَعْدُ: فَيَاعِبَادَاللهِ , اِتَّقُوااللهَ حَقَّ تَقْوَاهُ, فَقَدْ قَالَ اللهُ تَعَالىَ فِى كِتَبِهِ الْكَرِيْمِ: اَعُوْذُ بِاللهِ مِنَ الشَّيْطَانِ الرَّجِيْمِ. يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ.

Hadirin jamaah Jumat Rahimakumullah

Langkung tipayun mangga urang sami-sami sanggakeun puji sareng syukur ka hadzirat Allah SWT., nu parantos maparingan rahmat sareng karunia ka urang sadaya,

oge dina dangeut ieu urang sadaya mugi didugikeun ku Allah SWT kana sasih anu enggal nyaeta Muharram 1445 H, kalayan disarengan sehat wal-afiyat tiasa ngalakonan parentah Mantenna.

Salajengna Shalawat sinareng salam mugia dilimpahkeun ka panutan urang sadaya nyaeta kangjeng Nabi Muhammad SAW.,

sareng ka kulawargina, para sahabatna, tabi’in, tabi’it tabi’in dugi ka urang sadaya salaku umatna. Aamiin

Hadirin jamaah Jumat Rahimakumullah,

Dina Jumat payun urang sadaya bakal gentos taun anu enggal nyaeta 1445 H. Janten urang teh parantos ngantunkeun taun 1444 H.

Ku datangna bulan Muharram, hartosna urang asup kana hiji babad anyar, saperti anu geus diterangkeun dina ajaran Islam, anu mangrupakeun bulan nalika Rasulullah SAW.,

seueur kenging kajayaan dina ngalaksanakeun syi’ar/da’wahna atanapi ngadugikeun kalimat tauhid Laailaaha Illallah.

Sajabi ti eta bulan muharram teh mangarupikeun bulan pergantian taun Islam nu biasa ku urang disebut taun “Hijriah atanapi taun baru Islam”.

Ayapon maksud urang ngayakeun peringatan dina nyambut taun anu munggaran, sajabi ti ngarayakeun taun baru Islam pikeun ngalaksanakeun syiar agama Islam.

Oge urang kudu daek ngitung atanapi muhasabah kana diri jeung nimbang diri urang sorangan samemeh urang di-itung sakabeh amal urang boh anu hade atawa nu goreng dipayuneun Allah SWT, dina poean wawales, sapertos dina salah sawios katerangan anu disaurkeun dina Al-Qur’an:

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ

Hartosna: Hei inget jalma-jalma nu ariman, kudu taqwa aranjeun kabeh ka Allah jeung kudu merhatikeun diri kana naon-naon anu geus dilakonan pikeun poe isuk jeung kudu tarakwa aranjeun kabeh ka Allah saestuna Allah anu waspada kana naon perkara anu ku aranjeun dipigawe. (al-Hasr: 18)

Oge dawuhan sahabat Umar bin Khothob:

حَا سِبُوْااَنْفُسَكُمْ قَبْلَ اَنْ تُحَاسَبُوْا

“kudu diperhitungkeun hade goreng diri aranjeun samemeh aranjeun ditimbang ku Allah SWT.”

Hadirin jamaah Shalat Jumat Rahimakumullah,

Supaya dina ngamimitian hirup dina taun anyar urang kalebetkeun jalmi anu anu dirahmat ku Allah SWT, anu kurang alus sing bisa jadi alus jeung naon anu rusak di omean sarta sadaya nu tos sae supaya bisa dilakonan kalayan istiqomah, teras diamalkeun, dilestarikeun jeung dipertahankeun kalawan ditingkatkeun kunu langkung sae timbatan nu geus kaliwat.

Kukituna dina mayunan taun anu enggal ieu, hayu urang sami-sami nyeueurkeun amal-amalan anu sae.

Meungpeung urang sadaya aya dina waktu anu laluawasa keneh, hayu urang gunakeun sareng ngempelkeun amal ibadah ka Allah SWT.

Dawuhan Rasulullah SAW dina hadistna:

اِغْتَنِمْ خَمْسًا قَبْلَ خَمْسٍ، حَيَاتَكَ قَبْلَ مَوْتِكَ، وَصِحَتَكَ قَبْلَ سَقَمِكَ، وَفِرَاغَكَ قَبْلَ شُغْلِكَ، وَشِبَابَكَ قَبْلَ هَرَمِكَ، وَغِنَاكَ قَبْلَ فَقْرِكَ

Hartosna: “Jaga lima perkara samemeh datang lima perkara (1) meungpeung hirup samemeh datang maot, (2) meungpeung cager samemeh gering, (3) meungpeung nyalse samemeh riweuh, (4) meungpeung ngora samemeh kolot, (5) meungpeung beunghar samemeh sangsara”.

Ku cara ngagunakeun waktu hirup samemeh datang ajal, dianggo kasempetan ibadah sareng amal sholeh, etateh ngandung hartos urang kudu bebekelan engke dimana urang mulih ka jati mulang asal, ka alam kalanggengan.

Di akherat mah moal aya nu manfaat pikeun manusa kajabi hate anu salamet tina panyakit hate jeung pamusyrikan oge anu midamel amal sholeh nalika hirup di alam dunyana.

Rupina khutbah berkah taun hijriyah sakitu anu tiasa kapihatur dina raraga nyambut Taun baru 1443 H.

Mudah-mudahan Allah SWT ngahaputen kana sagala dosa nu parantos dilakonan ku urang sadaya dina taun anu kalangkung, kalayan Allah salamina mugi maparin pituduh sareng rahmat ka urang sadaya. Aamiin ya Rabbal alamin.

بَارَكَ اللهُ لِيْ وَلَكُمْ فِيْ اْلقُرْآنِ اْلعَظِيْمِ وَنَفَعَنِي وَإيَّاكُمْ ِبمَا ِفيْهِ مِنَ اْلآياَتِ وَالذكْر ِالْحَكِيْمِ وَتَقَبَّلَ مِنِّي وَمِنْكُمْ تِلاَوَتَهُ إنَّهُ هُوَ السَّمِيْعُ اْلعَلِيْمُ

***

Baca juga: Materi Khutbah Jumat Singkat Akhir Bulan Dzulhijjah, Berisi Pesan Penuh Makna, Tersedia LINK PDF

Baca juga: Naskah Khutbah Jumat Edisi Minggu Kedua Juli 2023, Ada Naskah Bentuk PDF

Baca juga: Arti Ukhuwah Fillah Till Jannah, Istilah untuk Pertemanan atau Persahabatan tidak Hanya di Dunia

Demikian teks khutbah Jumat singkat dalam bahasa Sunda yang penuh makna, dilengkapi file PDF.

Baca artikel dan berita lainnya langsung dari google news