Materi Khutbah Jumat Bahasa Jawa Terbaru Edisi 27 September 2024, Penuh Makna dan Menyentuh Hati

Artosipun: sak apik-apike ibadahe umat ingsun yoiku maos Al-Quran (HR. Al-Baihaqi).

Dawuh meniko negesaken bilih maos Al-Quran niku setunggale ibadah ingkang paling mulyo, amergi katah amal ibadah lan amal kesaenan dipun sebataken wonten Al-Quran, kados wajibe shalat, dungo tasbih lan waosane tiyang ingkang shalat niku mundut saking Al-Quran, tegese kedah maos Al-Quran arupi surat Al-Fatihah. Menawi mboten maos Al-Fatihah, shalate batal.

Lajeng wonten setunggal hadis ingkang dipun riwayataken Abdullah bin Mas’ud:

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ، وَالحَسَنَةُ بِعَشْرِ أَمْثَالِهَا، لَا أَقُولُ ألم حَرْفٌ، وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ  

Artosipun: Kanjeng Nabi dawuh, sopo wonge maos setunggal huruf saking Al-Quran, mongko bakal pikantuk setunggal kesaenan, lan setunggal kesaenan niki dipun tikelaken kelawan sedoso kesaeanan ingkang madani. Tegese ingsun ora maos Alif Lam Mim setunggal huruf, ananging alif niku setunggal huruf, lam setunggal huruf, mim setunggal huruf (HR. Tirmidzi)

Sayyid Bakri bin Muhammad Syatha Ad-Dimyathi wonten kitab Kifayatul Atqiya wa Minhajul Ashfiya mertelaaken kautamaane maos Al-Qur’an. Piyambake dawuh:

 تِلاَوَةُ القُرآنِ العَظِيْمِ مِنْ أفضَلِ العِبادَاتِ وأعْظَمِ القُرُباتِ وأجَلِّ الطاعاتِ وَفيْهَا أجْرٌ عَظِيمٌ وثَوَابٌ كَرِيْمٌ 

Artosipun: Maos Al-Qur’an minongko dados salah setunggale ibadah paling unggul lan penggawe taqarrub paling agung lan penggawe taat paling ageng. Maos Al-Quran saget pikantuk ganjaran agung lan mulyo. 

Jamaah Jumat Ingkang Sami Bebungah
 
Al-Quran dados mukjizate Kanjeng Nabi Muhammad ingkang saget ngapesaken tiyang kafir lan saget paring pituduh ugi nyafaati tiyang Islam. Kanjeng Nabi dawuh:

اقْرَءُوا الْقُرْآنَ؛ فَإِنَّهُ يَأْتِي شَفِيعًا يَوْمَ الْقِيَامَةِ لِصَاحِبِهِ

Artosipun: mocoho Al-Quran, mongko saktemene Al-Quran bakal paring syafaat marang wong sing moco Al-Quran, sesok ing dino kiamat (HR. Ahmad)

Sinaoso mekaten, ampun ngantos kito supe kaliyan tata kramane maos Al-Quran, kados suci awake, panggenane, ngadep kiblat, nutup aurat, ndredeg nalikane maos ayat ingkang mertelaaken sikso lan bungah nalikane maos ayat ingkang mertelaaken nikmate Gusti Allah.

Pramilo, monggo saben dinten dipun isi kelawan maos Al-Quran, cancut taliwondo taqarrub marang Gusti Allah, angen-angen maknone ayat Al-Quran. Mugi-mugi kito saget istiqomah, ajeg maos Al-Quran sehinggo mbenjeng pikantuk syafaatipun. Amiin. 

 ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ  ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ: والعَصْرِ، إِنَّ ٱلْإِنسَٰنَ لَفِى خُسْرٍ ، إِلَّا ٱلَّذِينَ ءَامَنُوا وَعَمِلُوا ٱلصَّٰلِحَٰتِ وَتَوَاصَوْا بِٱلْحَقِّ وَتَوَاَوْا بِٱلصَّبْرِ

بَارَكَ اللهُ لِي وَلَكُمْ فِى الْقُرْاَنِ الْعَظِيْمِ وَنَفَعَنِيْ وَاِيَّاكُمْ بِمَا فِيْهِ مِنَ الْاَياَتِ وَ الذِّكْرِ الْحَكِيْمِ. اَقُوْلُ قَوْلِي هَذَا وَاَسْتَغْفِرُ اللهَ الْعَظِيْمَ لِيْ وَلِسَائِرِ الْمُسْلِمِيْنَ فَاسْتَغْفِرُوْهُ مِنْ كُلِّ ذَنْبٍ اِنَّهُ هُوَ الْغَفُوْرُ الرَّحِيْمُ