Contoh Naskah Khutbah Jumat Tentang Malam Lailatul Qadar dalam Bahasa Sunda, Lengkap File PDF

TRIBUNSUMSEL.COM - Berikut akan disajikan contoh Naskah Khutbah Jumat tentang Malam Lailatul Qadar 1445H/2024 dalam bahasa Sunda yang penuh makna dan berkesan untuk referensi.

Naskah Khutbah Jumat ini di lengkapi dalam format PDF yang bisa digunakan dan diunduh melalui tautan dibawah ini.

• Naskah Khutbah Jumat Format PDF >>> [Unduh Disini;]

_____

Khutbah Jumat: "Keutamaan Malam Lailatul Qadar"

Khutbah I

,اَلْحَمْدُ للهِ الَّذِىْ اَنْزَلَ الْقُرْاَنَ هُدًى لِّلْمُتَّقِيْنَ, أَشْهَدُ أَنْ لاَّإِلهَ اِلاَّاللهُ الْمَلِكُ الْحَقُّ الْمُبِيْنُ, وَأَشْهَدُ أَنَّ مُحَّمَّدًا عَبْدُهُ وَرَسُوْلُهُ صَادِقُ الْوَعْدِالأَمِينُ, اَللّهُمَّ صَلِّ وَسَلِّمْ عَلَى سَيِّدِنَا مُحَمَّدِنِّ النِّبِيِّ اْلأُمِّيِّيْنَ, وَعَلَى اَلِهِ وَصَحْبِهِ أَجْمَعِيْنَ. أَمَّابَعْدُ: فَيَاأَيُّهَاالْحَاضِرُوْنَ أُوْصِيْكُمْ وَنَفْسِى بِتَقْوَاللهِ لَعَلَّكُمْ فَائِزُوْنَ, أَعُوْذُبِااللهِ مِنَ الشَّيْطَانِ الرَّجِيْمِ, لَيْلَةُ الْقَدْرِ خَيْرٌ مِّنْ أَلْفِ شَهْرٍ.

Hadirin Jamaah Jum’ah Rohimakumulloh!

Lailatul qodar teh hiji peristiwa anu istimewa anu datangna di bulan romadhon.

Lailatul qodar oge sok disebat malem sarebu bulan. Malem anu super istimewa, anu ditunggu tunggu ku satiap jalmi mu’min. Teras naon atuh malem lailatul qodar teh?

Alloh Subhanahu wa Ta’ala netelakeun dina surat anu mulia nyaeta, surat Al-Qodar anu ngajelaskeun sakaligus ngeunaan malem kamuliaan eta wengi:

إِنَّآ أَنزَلْنَٰهُ فِى لَيْلَةِ ٱلْقَدْرِ

“Saestuna kami geus nurunkeun qur’an dina maleman anu mulya.”
Jadi malem lailatul qodar teh nyaeta malem diturunkeunana al-Qur’an.

وَمَآ أَدْرَىٰكَ مَا لَيْلَةُ ٱلْقَدْرِ

“Naha maneh nyaho, naon ari maleman anu mulya teh?”

لَيْلَةُ ٱلْقَدْرِ خَيْرٌ مِّنْ أَلْفِ شَهْرٍ

“Maleman anu mulya teh nyaeta leuwih hade tibatan sarebu bulan.”

Maksudna kumaha? Nyaeta dina nalika malem eta ibadah urang leuwih hade tibatan ibadah sarebu bulan.

Sataun aya 12 bulan, jadi 1000 bulan teh nyaeta 83 taun. Dina nalika urang shalat atawa ibadah dina malem eta maka leuwih hade tibatan ibadah 83 taun.

تَنَزَّلُ ٱلْمَلَٰٓئِكَةُ وَٱلرُّوحُ فِيهَا بِإِذْنِ رَبِّهِم مِّن كُلِّ أَمْرٍ

“Harita malaikat-malaikat jeung roh (malaikat jibril) tarurun kalawan widi pangerana marawa sagala timbalan (ngatur sagala urusan).”

Dina malem eta turun malaikat-malaikat kangge nuliskeun amal urang sareng mere rohmat.

سَلَٰمٌ هِىَ حَتَّىٰ مَطْلَعِ ٱلْفَجْرِ

“Salamet peuting harita teh nepika medal balebat (terbit fajar).”

Hadirin ahli jum’ah anu mulya

Iraha atuh malem lailatul qodar teh? Kangjeng nabi ngajelaskeun sakumaha anu tos dijelaskeun ku Alloh ta’ala. Anu jelas malem Lailatul Qadar aya di bulan Romadhon. Sabab malem Lailatul Qadar teh malem diturunkenana Al-Quran.

Sedengkeun turunna Al-Quran di bulan Romadhon. Kangjeng nabi masihan pituduh anu khusus, kumaha saur Kangjeng Nabi:

تَحَرَّوْا لَيْلَةَ الْقَدْرِ فِي الْعَشْرِ الْأَوَاخِرِ مِنْ رَمَضَانَ

Hartosna: “Teangan Lailatul Qadar ti 10 akhir di bulan Romadhon.” (HR. Bukhori Muslim)

Ari ibadahna kucara naon atuh dina lailatul qodar teh? Kucara shalat, loba dzikir, wirid, ngado’a, maca qur’an, jeung sajabana kalayan khusyu’. Ning aya istilahna I’tikaf atawa berdiam diri di masjid, berdiam teh lain cicing atawa sare di Masjid, tapi cicing bari eling kalayan ngalakonan sagala rupa ibadah ka Allah SWT.

Anapon dupi do’a anu diaos dina wengian Lailatul Qodar nyaeta Allohumma innaka afuwwun karimun tuhibbul ‘afwa fa’fu ‘anni, luyu sareng hadits anu diriwayatkeun ku Imam At-Tirmidzi nyaeta:

وَعَنْ عَائِشَةَ رَضِيَ اللهُ عَنْهَا: قَالَتْ: قُلْتُ: يَارَسُوْلَ اللهِ إِنْ وَافَقْتُ لَيْلَةَ القَدْرِ ، مَا أَدْعُوْ بِهِ؟ قَالَ: قُوْلِى: اَللَّهُمَّ إِنَّكَ عَفُوٌّ كَرِيمٌ تُحِبُ الْعَفْوَ فَاعْفُ عَنِّي .أَخْرَجَهُ التُّرْمُذِيْ

Hartosna: “Ti sayyidah Aisyah r.a, anjeuna sasauran, kami tumaros, ‘Ya Rosulalloh, upami kami mendakan lailatul qadar, naon do’a anu kedah diaos? Rasulullah ngawaler, Baca, Allohumma innaka afuwwun karimun tuhibbul ‘afwa fa’fu ‘anni.” (H.R At-Tirmidzi).

Mudah-mudahan urang sadaya ngengingkeun lailatulqodar, aminn ya robbal alamin. Tapi saenamah loba ibadah kalayan khusyu’ teh sanes ngan saukur dina nalika neangan lailatul qodar, tapi tiap poe iraha bae di mana bae.

Mudah-mudahan urang sadayana tiasa istikomah dina ibadah, sepertos urang nuju semangat milarian lailatul qodar. Aamin ya robal ‘alamin.

بَارَكَ اللهُ لِى وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هَوَالْغَفُوْرُالرَّحِيْمُ

Khutbah II

اَلْحَمْدُللهِ الَّذِىْ اَنْعَمَ عَلَيْنَابِنِعْمَةِ اْلاِيْمَانِ وَاْلاِسْلاَمِ، أَشْهَدُ أَنْ لاَّإِلهَ اِلاَّاللهُ ذُوالْجَلاَلِ وَاْلإِكْرَامِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ سَيِّدُ خَلْقِ وَاْلإِنْعَامِ، وَالصَّلاَةُ وَالسَّلاَمُ عَلَى سَيِّدِ الرُّسْلِ وَالْخِتَامِ، وَعَلَى اَلِهِ وَأَصْحَابِهِ الَّذِيْنَ يَتَمَسَّكُوْنَ بِاالْكِتَابِ وَسُنَّةِعَلَى الدَّوَامِ، أَمَّابَعْدُ: فَيَاأَيُّهَاالنَّاسُ اتَّقُوْاللهَ حَقَّ تُقَاتِهِ وَلاَتَمُوْتُنَّ إِلاَّوَأَنْتُمْ مُسْلِمُوْنَ، اللّهُمَّ اغْفِرْلِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ، اَلْأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ. رَبَّنَا اتِنَا فىِ الدُّنْيَا حَسَنَةً وَّفِى اْلاخِرَةِ حَسَنَةً وَّقِنَا عَذَابَ النَّارِ بِرَحْمَتِكَ يَاأَرْحَمَ الرَّاحِمِيْنَ وَالْحَمْدُ ِللهِ رَبِّ الْعَالَمِيْنَ.

(*)